Vaccinate All 58 – Magkaisa tayo sa immunity.

PANATILIHING MALAKAS ANG IMUNIDAD NG IYONG PAMILYA, MAG PABAKUNA AT MAG PABOOSTER PARA SA COVID 19

Noong ika-labing isa ng Abril nakipagtulungan kami sa mga rehilyosong organisasyon para isulong ang pag papabakuna at pag papabooster para sa COVID 19, na matatagpuan sa mga komunidad ngayong araw ng pagkabuhay.

Para makahanap ng klinika na malapit sayo para sa COVID 19 ngayong araw ng pagkabuhay, pindutin dito.

Ligtas. Mabisa. Libre.

Ang mga bakuna sa COVID-19 ay ligtas, mabisa, at 100% na libre para sa lahat na nasa edad labing dalawang taong gulang pataas sa limangpot walong county ng California. Ang mga kabataan na nasa edad na labing dalawa hanggang labing limang taong gulang ay maaari nang magpabakuna. Alamin kung bakit ang bakuna ay isa sa ating pinakamahahalagang instrumento upang matapos ang pandemya.

Alamin kung paano magpabakuna.

Pumili mula sa iba’t ibang mga paraan sa pag-iskedyul iyong appointment.

Magsimula

Milyun-milyong mga taga-California ang nabakunahan na. Siguraduhin natin na may impormasyon ka na kailangan mo para maging handa.

Mga Paksa ng Pahina

Check out myturn.ca.gov

Mga Paksa ng Pahina

Check out myturn.ca.gov

Mga bakuna para sa edad lima hanggang labing pitong taong gulang

Inirerekomenda na ang lahat ng may edad limang taong gulang pataas ay magpabakuna para sa COVID-19 at magpabooster kapag kwalipikado, upang makatulong na maprotektahan ang kanilang sarili laban sa COVID-19. Ang pagbakuna sa mga bata ay maaaring makatulong din sa pagprotekta ng kanilang mga kapamilya, na may mas mataas na panganib na magkasakit kung mahawaan, lalo na kung hindi pa karapat-dapat na sila ay bakunahan. Ang pagbabakuna ay makakatulong sa pagpapanatili ng mga bata sa paaralan, at ligtas na makalahok sa mga aktibidad. Ang bakunang Pfizer-BioNTech ay napahintulutan para sa mga batang may edad lima hanggang labing limang taong gulang, at naaprubahan din ito para sa mga kabataan na edad labing anim hanggang labing pitong taong gulang. Ang dosis ng bakuna para sa COVID-19 ay nag-iiba ayon sa edad at sa araw ng pagbabakuna.

Ang mga kabataang may edad na labing dalawang taong gulang pataas ay kapareho ang dosis ng mga matatanda
Ang mga batang may edad lima hanggang labing isang taong gulang ay dapat tumanggap ng kalahating dosis.
- Ang bakunang Pfizer-BioNTech na para sa mga bata ay naglalaman ng parehong aktibong mga sangkap, gaya ng bakunang ibinibigay sa mga matatanda at kabataan na na may edad labing dalawang taon pataas.
Ang pangalawang turok ng bakuna ay dapat ibigay tatlong linggo pagkatapos ng unang dosis.

Ang bakuna para sa COVID-19 ay napatunayang ligtas at epektibo para sa mga bata, batay sa datos mula sa mga klinikal na pagsubok. Ang lahat ng bakuna sa COVID-19 ay mahigpit na sinusubaybayan.

Karamihan sa mga tao ay bihirang makaranas ng malubhang epekto sa kalusugan pagkatapos mabakunahan para sa COVID-19.
Maaaring makaranas ang mga bata ng masamang epekto tulad ng pananakit at pamamaga sa bahaging pinagturukan, pananakit ng ulo, panginginig at lagnat. Ang mga sintomas na ito ay dapat mawala sa loob ng ilang araw.

Ang mga edad labing dalawang taong gulang at pataas na nakatanggap ng kanilang pangalawang dosis ng bakunang Pfizer sa nakalipas na limang buwan, o edad labing walong taong gulang pataas na nakatanggap ng pangalawang dosis ng bakunang Moderna sa nakalipas na limang buwan, o ng bakunang J&J dalawang buwan pa lang ang nakalipas, ay dapat mag pabooster dosis na. Ang mga booster na dosis ay hindi pa inirerekomenda para sa mga batang edad lima hanggang labing isang taon gulang.

Pagkumpleto ng Serye

Itinuturing kang ganap na nabakunahan kapag dalawang linggo na ang nakalipas, mula noong nakumpleto mo ang iyong pangunahing bakuna para sa COVID-19

Pfizer-BioNTech

Edad limang taong gulang pataas
Pangalawang dosis na hindi bababa sa dalawampo’t isang araw ang pagitan
Ganap kang nabakunahan dalawang linggo pagkatapos ng iyong huling dosis

Moderna

Edad labing walong taong gulang pataas
Pangalawang dosis na hindi bababa sa dalawampu’t walong araw ang pagitan
Ganap kang nabakunahan dalawang linggo pagkatapos ng iyong huling dosis

J&J/Janssen*

Edad labing walong taong gulang pataas
Isang dosis
Ganap kang nabakunahan dalawang linggo pagkatapos ng iyong dosis

*Inirerekomenda ng CDPH ang pag papabakuna ng mRNA (Pfizer o Moderna) kaysa sa Johnson and Johnson.

Boosters

Ang mga taga California na edad labing dalawang taong gulang pataas ay pwede nang kumuha ng dosis para sa booster.

Pfizer-BioNTech

Pwede ka kumuha ng iyong unang booster limang buwan matapos ang huling dosis mo sa pangunahing serye
- Ang mga edad labing walong taong gulang pataas ay pwedeng kumuha ng Pfizer-BioNTech o Moderna booster
- Ang mga kabataan edad labing dalawa hanggang labing pitong taong gulang ay dapat ay kumuha lang ng Pfizer-BioNTech booster
Pwede ka kumuha ng pangalawang dosis ng iyong booster, apat na buwan matapos ang iyong inisyal na booster
- Ang mga edad limampong taong gulang at pataas ay pwede kumuha ng Pfizer-BioNTech o Moderna booster
- Ang mga edad labing walong taong gulang pataas na immunocompromised ay pwedeng kumuha ng Pfizer-BioNTech or Moderna booster
- Ang mga tinedyer edad labing dalawa hanggang labing pitong taong gulang na immunocompromised ay dapat kumuha lang ng pangalawang booster na Pfizer-BioNTech booster

Moderna

Pwede ka kumuha ng unang booster, limang buwan matapos ang huling dosis ng iyong pangunahing serye
- Ang mga labing walong taong gulang pataas ay pwedeng kumuha ng Pfizer-BioNTech or Moderna booster
Pwede ka kumuha ng pangalawang bosis ng booster, apat na buwan matapos ang inisyal na booster.
- Ang mga edad limampong taong gulang pataas ay pwede kumuha ng Pfizer-BioNTech o Moderna booster
- Ang mga edad labing walong taong gulang pataas na immunocompromised ay pwedeng kumuha Pfizer-BioNTech o Moderna booster

J&J/Janssen

Ikaw ay pwedeng mag pabooster dalawang buwan matapos makuha ang J&J/Janssen na dosis
- Ang mga labing walang taong gulang pataas ay pwede kumuha ng J&J, Pfizer-BioNTech o Moderna na booster
- Inirerekomenda na kung ikaw ay nag pabakuna ng J & J, mariin na isinusulong ang Pfizer-BioNTech o Moderna na booster
- Kung ikaw ay labing walong taong gulang pataas at nakakuha ng J&J na booster apat na buwan na ang nakaraan, pwede ka na makakuha ng pangalawang booster na Pfizer-BioNTech o Moderna

Para mag pa book ng iyong booster, bisitahin ang My Turn.

Maghanap ng lugar sa pagbabakuna na pinakamalapit sa iyo

Gamitin ang My Turn upang humanap ng mga walk-up site sa iyong lugar.

Maghanap ng vaccine providers na malapit sa iyo

Mag-book ng appointment para magpabakuna

Kung mas gusto mong iskedyul ang iyong pagbabakuna, maghanap ng oras na maginhawa para sa iyo sa My Turn at i-book ang iyong appointment.

Iskedyul ang iyong appointment

Kung kailangan mo ng tulong mag-iskedyul ng appointment, tumawag sa (833) 422-4255

Maaari mo rin i-check sa iyong healthcare provider o lokal na parmasya

Pagbubuntis at Pagkamayabong

Noong unang bahagi ng Agosto, Inirekomenda ng CDC ang bakuna sa COVID-19 para sa mga taong buntis, nagpapasuso, sumusubok na magbuntis, o maaaring mabuntis sa hinaharap. Sa kasalukuyan ay walang katibayan na ang anumang bakuna, kabilang na ang bakuna para sa COVID-19, ay nagdudulot ng pagkabaog. Ang mga buntis ay pwedeng magkasakit nang malubha sa COVID-19, kaysa sa mga hindi buntis. Ayon sa CDC, ang mga buntis na may sintomas ng COVID-19 ay may pitompung porsiyentong tsansa na pwedeng mamatay. Kausapin ang iyong doktor kung ikaw ay nag-aalangan pa rin tungkol sa pagpapabakuna laban sa COVID-19, upang iyong malaman ang mga medikal at siyentipikong katotohanan.

Mga Tanong at Sagot

- Habang patuloy na kumakalat ang COVID-19 sa Estado Unidos, kumakalat din ang mga varyant ng virus. Ipinapakita ng pananaliksik na mabisa ang mga bakuna sa COVID-19 sa pagpigil ng matinding karamdaman, pagkakaospital at kamatayan mula sa mga varyant nito, kabilang na ang Delta at Omicron.
- Ang mga panganib ng pagkakaospital at kamatayan ay nananatiling mataas para sa hindi pa nabakunahan na mga indibidwal, kaya ang pinakamahalagang bagay na kailangan nating ipagpatuloy na gawin ay ang pag papabakuna at ang pag papabooster.
- Kung hindi kumbinyente para sa iyo ang mga oras ng appointment sa My Turn, maaari mong gamitin ang VaccineFinder upang makakita ka ng bakunang malapit sa iyong lugar—o laktawan nang ganap ang pag-iskedyul. Daan-daang pang mga lugar ng bakunahan ang tumatanggap ng mga walk-ins, at patuloy na nadaragdagan ang listahan. Maaari ka ring sumangguni sa iyong tagapagbigay ng medikal na serbisyo upang malaman kung nag-aalok sila ng mga pagbakuna para sa COVID-19.
- Ibibigay ang iniksyon ng bakuna sa itaas ng iyong braso.
- Pagkatapos ng pagbakuna, susubaybayan ka sa lugar ng pinagbakunahan sa loob ng labing limang minuto upang matiyak na wala kang masamang reaksyon.
- Kapag nabakunahan ka na, makakakuha ka ng kard na magsasaad kung anong bakuna ng COVID-19 ang nakuha mo, ang petsa kung kailan at kung saan mo ito nakuha. Dalhin ang iyong kard sa pagbakuna sa iyong pangalawang appointment (kung kailangan mo ng dalawang bakuna) pati na rin ang para sa booster. Itago ito sa ligtas na lugar, dahil maaaring kailanganin mo ang patunay ng pagpapabakuna sa ilang na lugar.
- Tanungin ang iyong tagapagbigay ng bakuna ang tungkol sa v-safe, isang libre, smartphone-based na kasangkapan na gumagamit ng text messaging at mga web survey para kamustahin ka, pagkatapos ng iyong pagpapabakuna para sa COVID-19.
- Magtakda ng appointment para kumuha ang iyong booster na dosis. Ang mga taga-California na edad labing dalawang taong gulang at pataas, ay kwalipikado para sa booster. Para sa mga nakatanggap ng J&J maaari kang makatanggap ng booster dalawang buwan matapos ang iyong unang dosis. Kung nakatanggap ka ng Pfizer o Moderna para sa iyong pangunahing serye maaari ay kang makatanggap ng booster limang buwan matapos ang iyong pangalawang dosis. Napapataas agad ng booster ang imyunidad ng isang tao.
- Magsuot ng mask na may magandang lapat at pagsasala sa loob ng mga pampublikong lugar. Mag-upgrade sa mas magandang mask kung kaya mo. Ang N95 ay nagbibigay ng pinakamataas na antas ng proteksyon mula sa COVID-19, ang KN95 o KF94 na mask at ang pagsusuot ng pangalawang patong gamit telang mask sa ibabaw ng surgical mask, ay nagbibigay din ng mahusay na proteksyon. Ang pinakamahalagang bagay ay ang pagsusuot ng anumang mask na magagamit kapag kinakailangan para makapagprotekta sa iyo at sa iba pa.
- Manatili sa bahay kung ikaw ay may sakit at magpasuri kung mayroon kang mga sintomas ng COVID-19.
- Hugasan nang madalas ang iyong mga kamay gamit ang sabon at maligamgam na tubig nang hindi bababa sa dalawampung segundo.
- Panatilihin ang iyong distansya sa mga tao, lalo na sa paligid ng ating mga musmos na anak na hindi pa nabakunahan, nasa panganib at hindi pwedeng magpabakuna.

May mga katanungan ka pa ba?

Karapat-dapat lamang na sagutin ang mga katanungan ng lahat.

Bisitahin ang COVID-19 Vaccines ng California o tumawag sa COVID-19 Hotline sa (833) 422-4255.

Magbahagi ng mga kaalaman sa iyong komunidad

Magbahagi pa tungkol sa COVID-19 vaccines at kung bakit ang mga ito ay napakahalaga. Bisitahin ang Partner Toolkit upang makahanap ng mga imahe at video na maaari mong i-post sa social media at gamitin para sa mga komunidad sa buong California.